1.- Haur Hezkuntzako atxikimendu objetu edo oroipenak

Didaktikako ariketa honetan, gure haur hezkuntzako etapako objektu edo oroipen bereizgarriak
aurkeztuko ditugu eta haien arteko antzekotasunak eta desberdintasunak konparatuko ditugu.

Ainhoa: Nire haur hezkuntza garaiko objektu garrantzitsu bat pelutxezko txakur bat da. Txakurrak
pintxo du izena eta nire amak laneko bidai batetik ekarri zidan. Normalean haurrek adin honetan
atxikimenduzko objektu garrantzitsu bat izaten dute. Nire kasuan, nahiz eta pelutxe hau izan
gustokoen nuena, ez zen guztiz atxikimenduzko objektu bat. Garai horretan eta aurrerago,
nire amarekiko atxikimendu handia nuen. Horregatik eta bere bidaia batetik ekarri zidalako
pelutxe hau, nire amarekin lotura zuela sentitzen nuen.

Garbiñe: Haur hezkuntzaz gogoratzen dudan momentua festa baten inguruan datza. Festa horiek
iñauteriak dira. Izan ere, ikastolan urtero mozorrotzen ginen gauza desberdin batez, horien artean
olagarroz edo ilargiz. Oso oroitzapen onak ditut garai hartaz, oso ondo pasatzen nuelako. Bertan,
kurtso bakoitzak dantza bat egiten zuen eta oso festa dibertigarriak bezala gogoratzen ditut.

Garoa: Txikia nintzeneko garaia ez daukat oso argi. Hala ere, familiako argazkietaz gogoratzen naiz.
5 gara guztira eta izugarrizko zailtasunak izaten genituen argazki on bat egiteko. Amak egunero
ateratzen zizkigun argazkiak, eta bakoitzaren karakterra oso argi ikusten da argazki guztietan.
Gogora etortzen zaizkidan momentu gutxi hauetaz, alai eta konten gogoratzen naiz.

Mayi: Nire haur hezkuntzako oroitzapen bereizgarriena  ibilaldiak dira. Gauza asko ez ditut oso ondo
gogoratzen, baina nire ustez inguru berri batean jolasten ginean oso dibertigarria zen eta horregatik
gogoan dut. Leku desberdinak esploratzeko nahia bultzatzen laguntzen zuen. Adibidez: naturarekin
kontaktua izatea.

Nerea: Nik aukeratu dudan argazkia Toki Alai haur eskolako gela batean ateratakoa da. 4 urteko gelan
da eta urtero bezala Olentzero etortzen den egunean, denok baserritarrez janzten ginen eta argazkian
nire amarekin agertzen naiz. Izan ere, bera ere bertako andereñoa da. Oso oroitzapen politak ekartzen
dizkit burua, alde batetik amarekin erlazio oso estua dudalako txikitatik eta niretzat pertsona
garrantzitsuenetariko bat delako, eta bestalde eskola hartan bizipen oso garrantzitsuak gogoratzen
ditudalako, bertan gauza asko ikasi eta aldaketa asko bizi nituelako nire baitan eta nire ingurunean.

Konklusioa: Orokorrean haur hezkuntza aldian, momentu alaiak nabarmentzen dira. Argi eta garbi
gogoratzen ditugu, eta gauza desberdinekin lotuta daude, hau da, eskolako ekintzekin, inauteriekin,
ibilaldiekin…

Bestetik, familiaren eragina ere garrantzitsua dela ikusten da.  Amaren irudia, hau da, lotura afektibo
gehien daukagun pertsonarena oso gogoan izaten genuen garai horretan.

Azken finean, haurrak garenean, familiaren ondoren dugun lehen kontaktua eskolako irakasle eta
kideekin da, eta hau oso garrantzitsua da gure sozializazio eta garapenerako. Horregatik, gorago
aipatu bezala, eskolan izandako momentuak eta familiarekin izandakoak gogoratu ohi ditugu
zaharrago izatean. Hauek direlako benetan garrantzia eta esangura dutenak haurren bizitzan
momentu horietan.